Plantun de Prouvènço

Pèr coumpara dos planto d'encò nostre

Salix eleagnos & Campanula rotundifolia subsp. rotundifolia

Vege

Salix eleagnos

Salicaceae

Noms en français : Saule des vanniers, Saule drapé.

Descripcioun :
Aquéu vege èi coumun au nostre, trachis sus li limas de ribiero o en mountagno. Se recounèis à si fueio, bèn verdo e sènso péu dessubre, e blanco emé de péu proun crespu dessouto (fotò). De nouta peréu que li bord de fueio soun forço envertouia.

Usanço :
Tóuti li rusco de sause caupon de salicino que douno d'acide salicilì dins lou cors, ço qu'ajudo à abeissa li fèbre.

Port : Aubret
Taio : 1 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Salix
Famiho : Salicaceae

Ordre : Malpighiales

Coulour de la flour : Jauno
Petalo : ges
Ø (o loungour) enflourejado : 2,5 à 3 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Ribiero
Estànci : Termoumediterran à Mountagnard
Couroulougi : Ouroufito-Sud-Éuropenco
Ref. sc. : Salix eleagnos Scop., 1771 (= Salix incana Schrank, 1789 )

Campaneto(-di-fueio-redouno)

Campanula rotundifolia subsp. rotundifolia

Campanulaceae

Autre noum : Campanello(-di-fueio-redouno).

Nom en français : Campanule à feuilles rondes.

Descripcioun :
Aquesto campaneto èi coumuno en mountagno. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. rotundifolia, que trachis dins li tepiero roucaiouso e li esboudèu, a uno racino mai primo que la subsp. rotundifolia de basso Prouvènço.

Usanço :
Es uno planto manjadisso. La racino sèmblo apasima li doulour.